الله مش لعبة عال facebook
غريب
متل اللعبة
هالقد نحنا ما منفكر و محدودين
هالقد نحنا بمطرح سخيفين
منستعمل الصور و القديسين و جمل من الإنجيل لنروج حالنا و صفحاتنا و افكارنا المعلبة و مننسى انو هالصور مش للإستهلاك و الدعاية
للأسف هيك صرنا بعصر السرعة
بعصر افتقدنا فيه لناس تفكر و تصلي
بصراحة معقول هيك كلمات و جمل و دعاوي عالناس؟ معقول بعدنا منفكر هيك ؟
وين المعنى الحقيقي و الجوهر الأساسي للجمل و للصور ؟ وين المرجع الأساسي؟
صرنا المهم نكتب لنجمع عدد معين ١٠٠. او ١٠٠٠ likes ع صورة اذا بتحب الله او العدرا او قديس
حتى في بعض المسيحيي بيدعو بالشر ع كل شخص ما بيكتب عالصورة او بيحط like او share معقول اللي بحب بيأذي ؟ معقول اللي بصلي بيدعي بالشر لغيرو ؟
هيك منعبر عن محبتنا و كأنو المحبة فيا شرط
بتعمل هيك بيطلعلك هدية و الله بباركك و هالقديس بيعطيك يلي بدك
الهدف هوي انو تكون محبتنا بالعمل مش بالحكي تكون محبتنا حقيقية مش مغلفة و مهرية
منحكي عن الحب و نحنا منكره
منحكي عن السلام و نحنا منخاصم بعض
صرنا منتسلى بالناس و الأفكار و الصور
بطلنا نفكر شو عم نعمل
خلينا نتذكر دايما الله مش لعبة لنتسلى فيا
صار الوقت نوعا شو عم نقرا شو عم نعمل شو عم نوصّل لغيرنا بدل ما نحكي نطبق لنحصل عنتيجة بتعكس حقيقة ايماننا