ذكرى السنتين على وفاة الخوري داود كوكباني

"ابونا داود. أنا أبونا جوزف أبي عون، زوزو زبوغا، الاسم يلي إنتا خلقتو ولحنتو بمخيم من حوالي 34 سنة و صار غنية محببّة بقلب الحركة الرسولية المريمية. بفتخر كون واحد من الآف الآف ولادك الروحيين و تلاميذك وعمل يديك. أجمل ما فيك، إنك كنت مثل ما إنت. كاهن المسيح مملي الحركة وكل الدني. كاهن سايح المسيح وين ما كان وبكل زمان بفكرك و بقلبك وبسمتك وضحكتك وعفويتك وجديتك وصلاتك وسجودك وصرختك وثورتك.... ولأجمل الأجمل لي فيك هوّي نظرك. نعم نظرك. قشعتنا كل واحد منا بحياتو وأدق خصوصياتو. قشعتنا بحبك الكبير وقلبك الواسع. بلحظة من الزمن، قشعك يسوع فحبّك ودعاك وأرسلك تقشع بعيونو وتغيّر العالم. هيدي كل قصتك مع الله وكل قصتك معنا: اختبار النظر يللي بيتخطى النظر. نحنا منحبك كثير".