الأب مجدي العلاوي: هالجولة الصباحية بتنسيني همومي!

وتابع: 
"بعد الصلاة والإتكال على الرب توجهت بجولة صباحية على فرن أطيب منقوشة بسن الفيل واجمل صباح مع ولادي يللي مرقوا، تروقوا قبل المدرسة.
وجولتي التانية كانت بمطعم عين الرمانة، والجو كان رائع مع الكبار والصغار تروقنا سوا وغمروني بقلوبن المليانة فرح ونسوني هموم الدني.
ولادي بصليلكن والرب يكافي اهلكن ومعلميكن يللي واكبوكن بهالعام الدراسي وإنشالله بتحصدوا ثمار اتعابكن بالنجاح.
كملت الجولة على الصالون يللي بيعتني بقص وتزيين الشعر للنساء والرجال وإنتهت الجولة بنادي نور السماء سد البوشرية.
ربنا يبارك ويرافق الفقراء، المتطوعين ،الموظفين والمحسنين إلى جمعية سعادة السماء."
ونحن بدورنا نطلب من الله ان يبارك كل أعمال الرحمة والمحبة التي اصبحنا اليوم بأمس الحاجة لها.