يا يسوع  صوتك سمعنا وحواليك تجمّعنا

عَلى طول بتضلّك معنا وبقربك بتجمعنا 

نقّيت  اتنعشر تِلميذ وإنتَ عم بتنقّينا

هالعمر  بقربك لذيذ بقربك ربّي خلّينا

وحدك  إنتَ بتكفينا

 

يا يسوع مِتِل ما وصَّيت نِحنا الحبّ رسالتنا

كرمالك تركنا أهل وبيت وجينا لعندك كِليتنا

من قلبك عم نغرُف حبّ ومن روحك عم تِسقينا 

لمّا نارك فينا تهب وبالمحبّة توصّينا

وين ما بدّك ودّينا

 

بآخر ليل سهرة مع يسوع وصّى  تلاميذو وصيّة

وقلبو الأصفى من الينبوع  فاض  محبّة وحنيّة

يا تلاميذي  بدّي الحبّ يهبّ بهالعالم كَلّو

ويللي ما في عِندو قلب حطّولو قلبي محلّو 

ومحبّة حقيقيّة