- أنا شاب بهالعالم من بكرا خيفان،

                       من حروب بتهدم بتسبّب أحزان

ليـش الإنسـان، بيـقتل إنســان،

                          وضـايع من قلبو الحنـان(2)

 

- صراع على السلطة صار إلو زمان،

                               واللي ما بدّو خاين وجبان

  شو دخل الألوان، مش حقّ عالأديان،

                              قولولي رايحين لوين(2)

 

- أنا يا رفاقي بقلبي إيمان، 

                          المستقبل جايي بعدل وأمان

ما دام الإنسان، بحب خيّو الإنسان،

                            بعيشو عالأرض بسلام (2)

 

- منطلب يا ربّي تا تزيدنا إيمان،

                           إنّو المحبّة بتحيي الإنسان

انزرعت بالقلب بتثمر سلام

                               ومنحصد أخوّة وأمان (2)