مار يوسف قدّيس السّترة

"كانت أمي تقلّي ستور يا ابني

الله بيستر عليك،

وإذا شفت عيب يا إبني

شلاح تيابك وغطّيه.

مار يوسف

ستّر عالعدرا،

وإلّا وقعت عليها العترة،

وكانوا رجموها وبالحجار قتلوها.

مار يوسف،

رجل الصّمت والتّسليم

والإصغاء والطّاعة لكلمة الله.

مار يوسف،

حارس ابن السّماء والأرض ابن الله،

شفيع العيلة وحامي البيوت وسكّانها.

مار يوسف طاعم،

طاعم الطّير والبشر ودودة بحجر.

مار يوسف،

شفيع العمّال والمتعبين،

والمهاجرين والمربّين والمكرّسين،

والصّامتين المتواضعين.

شفيع الميتة الصّالحة والمنازعين،

واللّي من هالدّني بين ايدين يسوع ومريم

عشراع الرّحمة الإلهيّة انتقلوا راحلين.

عيد مبارك على كلّ اللي اسمن يوسف."