خاصّ- كلمة رجائيّة من الأب مجدي العلّاوي لتيلي لوميار بعد انتقال نجله ماتيو

"نحنا ما منموت، نحنا أبناء القيامة، ماثيو إنت نور عيوني يا بيّي، إنت ما متت إنت معنا وسبقتنا تتكفّي معنا الرّسالة الإنسانيّة، ماثيو ما مات ماثيو سبقنا بمشاريعو الإنسانيّة ومن حوالي أسبوع زار ماثيو العائلات ووزّع مساعدات، وزار أصحاب دكاكين وساندن تيكفّوا معيشتن، زار ناس بيشتغلوا بالزّراعة وأمّنلن كلّ احتياجاتن، ماثيو جمع 32 مليون تيساعد النّاس ونحنا رح نوزّعها بإسمو، ورح نكفّي مشروع ماثيو وستصبح جمعيّة سعادة السّماء مشروع ماثيو."

والى عائلته توجّه الأب مجدي بالقول: "افتخروا يا بابا بماثيو صار بالسّماء، كفّوا مشروعوا هوّي عم ينتظر منكن الكثير، لا تبكوا لا تزعلوا افرحوا لأنّو رح يقوّينا أكثر تنكفي الرّسالة".

وإختتم الأب مجدي رسالته: "بحبّك يا بيّي كتير."

يُذكر أنّ الصّلاة لراحة نفسه ستُقام يوم غد الخميس عند الثّانية عشرة ظهرًا، في كنيسة مار الياس- أنطلياس، ليُنقل بعدها جثمانه إلى مدافن سيّدة ماريتيم- جبيل. وقد طلبت العائلة من الرّاغبين بالمشاركة في الوداع ارتداء اللّون الأبيض.